擁有36F咪咪的雷凱欣因參演3D情慾電影《3D肉蒲團之極樂寶鑑》,翻身成功。事業暢旺的她自詡皇帝女唔憂嫁,更聲稱大把人追,裙下之臣均是好老公人選,為從內到外裝備自己成為兔年搶手貨,她日前已提早洗邋遢,嘆spa洗白白迎新歲。
![浸在撒滿玫瑰花瓣的牛奶浴中,令雷凱欣疲累盡消。 雷凱欣拋胸嘆Spa迎兔年圖片1](http://static.apple.nextmedia.com/images/apple-photos/apple/20110131/large/31ec3p2n.jpg)
今日是農曆年廿八,傳統習俗要洗邋遢迎新一年,擁36F暴乳的雷凱欣為應節,日前特別到美容院享受玫瑰花牛奶浴,令肌膚白滑又香噴噴過年。
現年27歲的雷凱欣,希望30歲前披嫁衣,距離目標尚餘3年時間,她自爆手頭已擁有一張可以付託終身的男士名單,雖然可以隨時出嫁,但卻不恨做兔年新娘,她希望趁勢再在娛樂圈搏殺一輪才光榮退出。
雷凱欣無時無刻都由內到外裝備自己,務求做個完美女人,她說:「外面梗係要扮靚啲,尤其係年廿八,除咗屋企要大掃除外,都要做吓個人清潔,女仔就梗係做吓spa,愛人哋都要愛吓自己,緊張工作後要relex吓,做spa又可通淋巴。」美容師又安排雷凱欣在浸spa前,用死海泥在背部磨去死皮。
雷凱欣非常享受全身浸在撒滿玫瑰花瓣的牛奶浴中,她不時嬉水作樂,又俯身咬着玫瑰花,擺出拋胸倒奶甫士,她更自爆追求者排長龍:「我唔擔心嫁唔出,家有機會想喺事業上搏多幾年先,我想30歲前嫁人,然後生仔,好想將來見到子子孫孫,五代同堂。」
雷凱欣表示完美女人不單要有樣貌,內涵都十分重要,她說:「我雖然讀唔成書,冇乜學識,但我有教養。」
from:
http://hk.apple.nextmedia ... art_id=14927013