梁詠琪（GiGi）昨日在土瓜灣出席記者會，宣佈於下月26和27日在紅館舉行「梁詠琪巡迴演唱會香港G夜」。
據聞GiGi今次個唱是臨時攝期，碰巧舊愛鄭伊健於3月5和6日在紅館開騷，故被指狙擊舊愛，GiGi說：「個期係主辦單位決定，上年12月喺北京開完，2月底喺香港開啱啱好。」
今年是GiGi入行15周年，她表示希望邀請在電影中合作過的藝人擔任嘉賓，問會否請伊健，她迴避說：「祝佢good show我諗最適當。」再問會否請伊健做座上客？她說：「我驚人忙綵排，唔好喇。」當年GiGi和伊健是在紅館合作《仲夏夜之夢》咀出愛火花，重踏舊地會否憶起舊情？她尷尬說：「哈哈，我都唔記得，我會記得開心嘅事。」雖然避談伊健，GiGi卻大方透露會邀外交人員老外男友睇騷，她說：「佢乖乖哋坐喺台下睇騷支持就好滿足。」
from:
http://hk.apple.nextmedia ... art_id=14884141
