周永恒（Roy）和趙梓淇（阿Yu）的４個月大囡囡周信希，日前因發高燒而要入院留醫，昨日傍晚Roy夫婦一面疲態到屯門醫院探望囡囡，阿Yu前一晚通宵留在醫院陪伴信希，她說：「兩日前信希開始發高燒，持續喺39至40度左右，一直唔退燒，所以要入院檢查，同埋要種菌睇吓究竟乜嘢事發燒，成個療程要5日。」
Roy說：「平時個女瞓喺我哋中間，呢幾晚都搞到我好唔習慣。」阿Yu稱不知是否之前打防疫針的反應，她說：「當日只有我同囡囡喺屋企，佢突然大叫一聲，開始面黑黑哋同打冷震，我唔知點算所以叫咗白車送囡囡入院。佢唔舒服冇晒表情，好懷念佢嘅笑容。」Roy聞言即教訓老婆：「唔好用懷念呀。」不過醫生表示信希應沒有大礙。
from:
http://hk.apple.nextmedia ... art_id=14879873
