蘇玉華主持的飲食節目《和味蘇》昨日於深水埗拍攝最後一集，請來視后鄧萃雯當嘉賓，阿蘇說：「其實今集會喺情人節播，情人節唔一定要成雙成對，所以今集係我哋重頭戲，睇吓冇情人的話可以點過。」鄧萃雯則說：「我一早已經成為快樂單身嘅代言人啦，自從我演完九姑娘之後，發現要求離地太遠，我心入面想搵嘅靈魂伴侶，竟然畀我演戲演到喎。」阿蘇聞言說：「單身都可以好快樂嘅。」
問到雯女廚藝如何時，她說：「其實我四年班已經要幫屋企買餸煮飯，所以有少少童年陰影，唔太鍾意煮嘢食，係有時要同朋友開心撐枱腳，或者嚇吓對方先出一招半式囉，但係識又唔代表我鍾意喎。」
from:
http://hk.apple.nextmedia ... art_id=14863389
