鄭伊健昨日在土瓜灣拍攝《鄭伊健Beautiful Life》特輯，請來好友古巨基和錢國偉擔任演出嘉賓，伊健和基仔拍攝打乒乓球的場面，伊健說：「呢度係我細個長大嘅地方，入無綫冇耐，大概89年就搬走咗，間中媽咪都會返嚟探吓舊街坊，呢度留咗好多回憶畀我。」
基仔問伊健初戀是否也發生在童年舊居？他表示初戀是發生在山上而非屋邨裏。伊健為拍攝此特輯，特別請來一班圈中好友助陣，包括劉德華、劉偉強、蔡卓妍及葛民輝等，早前拍攝了和葛民輝對打羽毛球的場面。
伊健說：「因為基仔有腰傷，唔方便打羽毛球，所以我同佢打乒乓球。我哋當年合作拍《笑看風雲》做兩兄弟，佢瞓上格床我瞓下格床，好多時都一齊，好似真係兩兄弟咁，仲一齊喺錄影廠煲蠟過中秋。」
from:
http://hk.apple.nextmedia ... art_id=14855684
