為紀念入行30周年,劉德華在紅館舉行20場演唱會,前晚終於大功告成,當晚華仔請來陳玉蓮和汪明荃任嘉賓,而劉嘉玲則代老公梁朝偉上台獻花兼獻唱,掀起全晚高潮。嘉玲大發雌威逼華仔公開多謝老婆朱麗倩,華仔狀甚尷尬四圍走,但最終未肯就範說出口,事後他嘲嘉玲當正自己真的是武則天,氣燄逼人。
![劉德華尾場演唱會請來劉嘉玲做嘉賓,怎料嘉玲上台即武則天上身向華仔進行大逼供。 劉嘉玲逼劉德華多謝朱麗倩圖片1](http://static.apple.nextmedia.com/images/apple-photos/apple/20110110/large/10ec1p1a.jpg)
一連20場的「劉德華Unforgettable演唱會」,前晚舉行最後一場,全場座無虛席,fans表現high爆,氣氛熱烈。當晚華仔請來勁量級嘉賓上台助陣,首先有小龍女陳玉蓮,兩人穿上由Blanc de Chine度身訂做的全白中國服現身,楊過和小龍女復合,現身觀眾眼前,華仔介紹蓮妹時說:「佢係永遠嘅小龍女,心地真係好好,你去咗邊?真係去咗絕情谷?」蓮妹透露是返內地參與幫助兒童的活動,她還表示華仔同樣落力幫助內地有需要的小朋友。接着到阿姐汪明荃出場,華仔形容阿姐:「佢好有中國風,真係呢行嘅阿姐。」兩人隨即合唱《勇敢的中國人》。
好戲在後頭,大前晚華仔請來三虎包括黃日華、苗僑偉和湯鎮業做嘉賓,獨欠梁朝偉美中不足,而前晚偉仔的另一半劉嘉玲代老公上台做嘉賓,嘉玲曾扮演武則天和扮演狄仁傑的華仔合演徐克作品《狄仁傑之通天帝國》,兩人同台十分合拍。嘉玲穿上黑色大露背晚裝上台獻花,馬上掀起高潮。
華仔介紹嘉玲時說:「佢比好多男人仲堅強,真係我心目中嘅武則天。」嘉玲首先向華仔送上鮮花說:「恭喜狄仁傑,我係代表一代宗師送畀你,希望大家再有機會拍一部比《無間道》更好嘅戲。」華仔聲言自己一直等待和偉仔及嘉玲再度合作的機會。嘉玲接着說:「你係代表咗一種精神同工作態度,好厲害,你好似有無限嘅精力,由訓練班經過好多經歷同洗禮到家,你好似冇變過。你犧牲好大,堅持30年,我真係好感動,相信你一直會紅落去。好多謝華仔嘅父母,因為你哋先有華仔嘅出現,又教到佢咁好,仲想多謝……就係佢。」說時嘉玲指向台下,雖然她未有指名道姓,但眾人皆知嘉玲所指的正是之前低調現身捧場的朱麗倩,而華仔聞言則狀甚尷尬,拿着鮮花在台上四圍走解窘。
嘉玲欲罷不能說:「綵排時我有問華仔有乜唔講得,佢話冇緊要,乜都可以講,我真係好多謝佢,好想講,作為一個女人,真係好唔簡單,劉德華犧牲食嘢,但係佢(指朱麗倩)犧牲更多,比華仔更多,希望你哋會甜甜蜜蜜。」華仔無路可逃,最後惟有表示:「好多謝你講呢番話,睇過我嘅朋友,你哋都會懂我明白我,我係唔會放棄。」之後嘉玲獨唱《明星》。當晚安哥多一次約凌晨12點完騷。
慶功時問到華仔知否嘉玲會講出這番話?華仔即笑說:「真係估唔到,佢以為自己真係武則天,我嗰時只係想走。」是否認同嘉玲的一番話?華仔只說:「唔好問喇,我唔想講,唔想答。」再追問是否尷尬及提到有傳媒影到朱麗倩,華仔一概不作回應。至於偉仔未能做嘉賓,華仔表示早前在江門活動上見他,已感覺他很忙,接着叫嘉玲代偉仔來,她馬上答應,華仔說:「咁都好呀,嘉玲係佢嘅另一半,我都成功咗一半。」提到李克勤因是四大唱片未能出席《勁歌》總選,華仔表示:「克勤唔去,我都唔去。」
from:
http://hk.apple.nextmedia ... art_id=14851743