劉德華去年演藝成績彪炳，也曾是演藝人協會的幹部，算是自己友，但在昨晚舉行的演藝人頒獎禮中，電影及音樂獎項都不入圍，而他也缺席頒獎禮，繼續在紅館舉行演唱會。
華仔前晚個唱請來陳寶珠及楊天經母子、莫文蔚（Karen）任嘉賓。華仔自爆是「影迷公主」陳寶珠的忠實粉絲，而楊天經也口震震謂：「你都係我偶像，我睇晒你啲戲同聽晒你啲歌！」華仔即安撫天經說：「你唔使講喇，你嘅感受我早就試過！」寶珠姐笑言自己歌藝是幼稚園級，卒之破天荒與天經合唱《明星》，沒想到天經歌喉有點「劉華腔」。
莫文蔚特地訂做波點裙配襯華仔的波點睡衣，誰知華仔前晚改穿條子睡衣，二人合唱《心酸的情歌》跳辣舞，Karen問華仔是否記得18年前曾對她說甚麼：「睇怕你唔記得，你到處留情。」華仔笑謂自己其實不是劉華，是叫劉情，Karen續說：「93年我剛出道，喺一個樂壇頒獎禮慶功宴上，劉天王走埋我身邊，喺我耳邊講，你畀心機你得嘅，呢句話比得獎更重要，我一世多謝華仔！」
from:
http://hk.apple.nextmedia ... art_id=14832218
