劉德華前晚Boxing Day在紅館舉行個唱，請來陳奐仁任嘉賓，剛擺了兩場婚宴的楊千嬅與丁子高夫婦則到來捧場。華仔繼續盡情演出，介紹陳奐仁出場時笑謂：「好多人都鍾意佢把聲，但唔鍾意佢個樣，其實佢係冇我咁靚仔啫，但都靚仔，不如大家以熱烈掌聲證明畀佢知呢樣嘢啦！」陳奐仁清唱華仔的《只知道此刻愛你》，並大讚華仔努力工作的熱誠，是當今樂壇的大哥風範，後來二人還合唱了《明星》。
華仔前晚大唱聖誕歌，與fans握手時獲贈鮮花，當他上前接收，女fans竟忽然失控捉住華仔狂哭，華仔惟有開玩笑化解尷尬說：「唔好咁啦，人哋以為我呃咗你呀，以前我仲可以放任，家唔得o架！」引得全場大笑，未知華嫂朱麗倩可有在場聽見？
from:
http://hk.apple.nextmedia ... art_id=14809291
