現年36歲、外號「少年食神」的林澄光（Michael），與36D咪神高海寧主持無綫飲食節目《為食一條街》後人氣急升，是非也隨之而來。Michael不但被指騙財，還口花花冧女，更是集郵高手，有指他近日速食高海寧兼唱通街，高海寧昨日否認被集郵，更自稱是有腦之人。
有「少年食神」之稱的林澄光早前孖無綫36D咪神高海寧主持節目《為食一條街》，近日有消息指Michael速食高海寧，還四出向友人炫耀已收集不少女星，Michael更被爆指用食神之名，先後游說森美和EO2經理人文狄入股港澳兩間食肆，但其實他並非食肆大股東，當中有騙財之嫌。
高海寧昨日在電話否認被騙，她強調跟Michael只是同事：「好無稽，我哋只係一齊拍《為食一條街》，我對呢啲報道得啖笑，當幫節目宣傳。」對於節目中艾粒暗寸Michael帶高海寧到美國，她否認：「我邊有時間去美國。」高海寧指早前為節目才與拍檔呂慧儀一起整蛋糕給Michael，自言不清楚Michael生日日期。
問高海寧可覺Michael有追求之意？她說：「除咗工作日見夜見，我哋私下冇聯絡。」高海寧力撐Michael並非騙財之人，她說：「以我識佢個半月，佢唔係呢種人，報道講到我好蠢咁，我有腦，我唔係隨便付出嘅人，所以同Michael見面都唔尷尬。」
森美則被指曾在Michael游說下入股10萬到灣仔王子酒店東來居火鍋店，最終他講數後取回股本，卻遭Michael揶揄等錢使。森美昨日在西環出席活動時說：「其實兩年前Michael叫我一齊搞飲食生意，之後我聽到有謠傳話佢有錢銀轇轕，我同佢講，不如畀番10萬蚊我，等我同佢澄清，就係咁我退咗股，件事都發生咗半年。」Michael被指對高海寧完唱，森美抵死說：「涉及兩個動作，要尋求咗未同唔到，要問清楚先。」至截稿前，Michael都未有回覆。
from:
http://hk.apple.nextmedia.com/te ...462&art_id=14770286
