王喜昨日在電視城為有報道爆他有易服癖，買假髮義乳增性趣一事澄清，帶同有關服飾現身的王喜說：「其實我係為廣東電視台嘅《叮王爭霸》表演做準備，佢哋睇完我喺5月底幫安徽衞視《天聲王牌》嘅變裝表演後，專登搵我再表演，明年一月會播出，我上一次表演完冇攞到啲衫走，所以專登去旺角買。」
王喜續說：「我覺得今次要做啲澄清，話畀大家知報道唔係真，我將相關資料交咗畀律師，研究進一步行動。」王喜坦言過往都有不少失實的報道，但他選擇不回應，不過自從《囧探查過界》多了一班小朋友fans，所以不得不澄清，他說：「我想小朋友知道事實嘅真相，識得去判斷真與假。」他笑稱如果《荃加福祿壽》的監製覺得他扮相了得，不妨找他加入合演《荃加喜愛福祿壽》。
from:
http://hk.apple.nextmedia ... art_id=14766642
