上床作比喻,5分鐘明白起錨

阿媺︰阿媽話只可以同老公上床,我同你上床,你係咪會同我結婚架?

阿權︰咪話左會囉,搞左野先啦!!

阿媺︰咁幾時結婚呀?

阿權︰你唔同我上床,我點話比你知幾時結?搞左野先啦!!

阿媺︰你無計劃結婚,我唔可以立亂同你上床喎!

阿權︰你唔同我上床,我又點計劃幾時結婚呀?

阿媺︰咁等你有計劃,我先同你上床啦!!

阿權︰你唔好咁激進啦,上床已經向結婚計劃行前一大步啦,唔通你想原地踏步,
淨係拖手嘴嘴咩?

阿媺︰破左處,無得返轉頭果喎,我寧願原地踏步,好過行差踏錯!!

阿權：結婚係上床之後既事!!我地如果淨係諗結婚一路都唔上床既話,我地係唔
會有進步架!!結婚呢D野到上左床之後先算啦!!

阿媺︰如果唔結婚,我點可以同你上床??

阿權︰我阿爺已經響家法講明,上左床之後一年後就可以註冊,三年後就可以結
婚,你唔可以推翻我阿爺既決定

阿媺︰你阿爺丫!咁你同你阿爺上床啦!

阿權︰而家走向結婚既大門就已經打開左,我希望你唔好再同你果d老姑婆同道人
將結婚同埋上床綑綁

阿媺︰咁如果上完床,你唔結婚就走左去,我又要同第二個男人上床,我要同幾多
個男人上床先結到婚?!

阿權︰我對你既承諾係唔可以跨越下一任男朋友既任期,但我阿爺已經清晰表明左
上左床之後一年後就可以註冊,三年後就可以結婚.根據我最近問d親戚做既民意
調查,贊成你同我上床既百分比係多過反對,你點可以漠視民意呢?

阿媺︰個調查仲有問,你未承諾幾時結婚前,唔好同你上床,反對佔六成喎,咁你
又點睇?同你拍拖果時,你已經話以結婚為前題交往,我先答應同你一齊喎,仲要
下一任?

阿權︰(發爛渣mode)其他男人畀d掌聲黎聽下,話畀呢d女人知,我地呢d男人係大
多數,你地係少數

阿權︰(繼續發爛渣mode)請你呢d女人正視民意,唔好再阻住傳宗接代呢個巨輪前
進,要起錨!!!起錨!!!起錨!!!x 2036

起頭!!!起頭!!!起頭!!!

阿媺：寧願原地踏步,都不要行差踏錯!!