貴為o靚模始祖嘅楊穎（Angelababy）出席公開場合永冇失手，每次出現都例必執到靚一靚見人，就算有時唔化妝，佢都好醒目會戴定個超大黑超嚟遮臉；不過佢出道以嚟都經常被人話整容，次次佢都誓神劈願話冇，仲話可以去驗明正身㖭！不過佢以前嘅樣，對比家個樣，的確俾人化腐朽為神奇嘅感覺，最經典係佢細個張哨牙豬扒相，真係令人印象深刻，不過女大十八變嘅Angelababy就話功勞全歸於箍牙嘅神功。
不過講真，變靚咗嘅Angelababy事業真係一帆風順，就連感情事都多姿多采，唔知係唔係因為佢同黃曉明嘅感情好穩定啲關係，感情有着落所以就疏於執靚個樣。
大前日Angelababy喺台灣相約造型師兼好友陳孫華飯敍，不過離開香港嘅Angelababy似乎一啲都唔擔心會被狗仔隊追訪，佢好放心咁以素顏現身，平日戴大眼仔充大眼嘅Angelababy，冇添加後雙眼即時縮水，連帶櫻桃小嘴都忽然撐大咗，係舞台上明艷照人嘅Angelababy今次真係失手兼失色唔少，佢仲要唔顧儀態公然挖鼻，完全唔顧衞生，唔通佢唔怕喺宅男心中嘅女神地位會消失，難怪佢知道被影咗相時，尷尷尬尬以笑遮醜啦。
from:
http://hk.apple.nextmedia ... art_id=14714274
