黃浩然、徐自賢及向佐和向華強等，昨晚到尖沙嘴出席新模特兒公司的開幕活動，其中黃浩然有份演出台慶劇《義海豪情》及已播完的《公主嫁到》，於上星期的無綫台慶夜都受到重視，反而現正播映中的《刑警》卻完全無蹤影，《刑》劇男主角黃日華日前公然炮轟無綫。
提到此事，黃浩然表示：「我都唔係咁清楚，不過作為演員，拍劇咁辛苦，梗係想有多啲宣傳同多啲人注意，佢唔開心我係理解。」
今年黃浩然在無綫頒獎禮有份提名飛躍進步獎，他笑言：「我入行13年，估唔到家先同廿幾歲嘅人爭，不過我嘅進步係TVB畀我。」記者笑他賣口乖，黃浩然說：「我嘅經理人約唔係TVB，但佢哋都待我不薄，我會努力回報，今年係自己最好成績一年，我當自己得獎。」
from:
http://hk.apple.nextmedia ... art_id=14690254
