朱茵前晚到牛池灣文娛中心舞台劇演出《瘋狂夜宴搞偷情》，當晚適逢是她39歲牛一，陳法蓉及杜汶澤夫婦等都有捧場，大會更於臨完場時送上蛋糕，令朱茵感動得眼濕濕。
朱茵表示原本要在工作中度過生日令她不開心，但能在舞台上慶祝又令她覺得十分有意義，至於男友黃貫中（阿Paul）前日要到湖南工作，所以已於大前晚送上驚喜禮物給女友，朱茵說：「佢送咗束花畀我，自己都冇預計有禮物，仲有啲好永恒嘅禮物，唔係求婚戒指，佢都唔係第一次送，不過今次就比上次更加永恒。」
至於兩人有否結婚打算，朱茵就自言工作繁忙，但不排除即興結婚，她說：「佢呢個男友好抵錫，好尊重我家人，父母都當佢係自己人，但暫時唔會訂一個日子，會以工作為先，生小朋友亦會隨緣。」
from:
http://hk.apple.nextmedia ... art_id=14595669
