榮升健美產品老闆娘的伍詠薇，日前為其新寫字樓舉行開幕禮，不過頭號好姊妹袁詠儀（靚靚）和陳敏之因要工作，楊怡因為其他產品代言而缺席，最後靚靚派出老公張智霖（Chilam）做代表出席，更送上風水馬擺設，希望伍姑娘生意興隆。
伍姑娘笑說：「佢哋每人幫我買100盒咪補番數，但係阿靚係頭號好姊妹，所以我會叫佢買4,000盒先得，張單我會畀佢老公張智霖，月尾找數。」伍姑娘更笑說：「靚靚用完我啲產品，我保證佢回復當年選港姐嘅狀態，一定會引死Chilam，隨時生多幾個B都得。」最令伍姑娘意外，竟然是蔡一傑的出現，所以伍姑娘表示一定會去睇草蜢的演唱會報答。
from:
http://hk.apple.nextmedia ... art_id=14579374
