劉德華昨日到新城接受訪問，對於12月的演唱會，前排座位門票於網上被炒賣至近3,000元，華仔希望不法之徒不要炒高門票，因為不少fans已未能買到飛，甚至連歌迷會都訂不到，要華仔親自為他們預留。
對於不少藝人於內地拍戲狂加片酬至天文數字，有傳華仔也由去年1,000萬跳升至1,800萬，他說：「我有自己嘅standard，其他人我就唔方便評論，我唔會因為人地高而自己去加。」
另外，夏雨於內地訪問指無綫一台獨大不健康，華仔對此說：「呢個情況好早已經係咁，因為外地好少一個電視台有咁多broadcast，有咁大量製作，通常都係製作公司做完然後賣畀電視台。香港嘅體系係咁冇得變，不過遲啲發新牌照，市場競爭會改變。」
