容祖兒前晚現身巴黎欣賞YSL 2011春夏騷，祖兒與黃偉文結伴睇騷之外，還一起shopping為下月的演唱會選購戰衣，單身的祖兒來到浪漫的花都十多次，也希望會有艷遇降臨身上，更笑言接載她出入的司機都不放過。
容祖兒前晚應法國時裝品牌YSL邀請，到法國出席於Hotel Salmono De Rothschild舉行的2011春夏時裝騷，祖兒雖然來過巴黎十多次，不過還是首次來看騷，心情興奮，品牌的設計總監Stefano Pilati更為她挑選白色連身裙睇騷，祖兒更有幸與設計師合照。
祖兒與黃偉文（Wyman）結伴睇騷，她說：「Wyman會陪我買衫，為11月嘅演唱會買衫，巴黎一街都係靚人，建築物又靚。都有shopping，可能國內黃金周，所以都見到好多中國人，仲同fans合照。」單身的祖兒在巴黎可有艷遇？她說：「都想，每日載我個司機係男人。」司機也是人選？她說：「我唔介意，人人喺巴黎都想有艷遇，不過童話故事唔會發生喺我身上。」
另一方面，天王嫂樂基兒（Gaile）也丟低老公黎明一個人飛到巴黎睇Chloé春夏騷，同場還有電影《孔子》飾演周潤發女兒、內地女星陳燃。Gaile近日飛不停，她說：「之前喺新西蘭拍廣告，又去過峇里，我enjoy周圍飛。」
Gaile透露22歲時第一次來巴黎，今次是第二次，她說：「家做咗人太太，心態同以前唔同，今次想relax享受下，8年前嚟喺餐廳撞過Karl Lagerfeld，不過當時冇乜特別感覺。」Gaile今次還會把握時間與巴黎的模特兒朋友見面。
from:
http://hk.apple.nextmedia ... art_id=14522958
