李克勤、蔣怡及陳法拉等昨晚於又一城出席美髮展，昨日有消息傳出指劉德華造人成功，朱麗倩懷孕3個月，作為華仔好友的克勤，昨日被問到知否該消息時，他避忌回應：「我唔知，真係唔知。」會否向華仔探問？克勤謂：「唔知，一家唔知一家事。」連會否傾湊仔經，克勤都謂不知道，又說：「答一個字都唔好，你哋問我我先知，有機會了解吓先得。」
談到有傳何麗全將過檔now，之前還拉攏克勤接受now節目訪問，他謂：「其實嗰日係個朋友請食飯，何麗全之外，阿倫、阿叻、鄺美雲都喺度。」他強調自己沒有電視台合約在身，但很期待可再亮相無綫，可惜不是期待就一定達到。
陳法拉談到被指與黃宗澤在微博傳情，她說：「斷章取義，我同胡杏兒都有玩微博啦，我哋只係正常工作同講嘢。」至於有傳無綫下令藝人勿與陳志雲同場出席活動，法拉說：「冇聽過，我都有關注佢嘅新聞，希望佢順利過到呢關。」
from:
http://hk.apple.nextmedia ... art_id=14507158
