[愛情文章] 又一次心痛...

往往有一些錯事,憾事係冇法補救的...就算大笑過大哭過,抱怨過放縱過,傷心過遺憾過,
盡力了可惜結果都一樣冇改變過,因為時間沒有重來ar...
只好同自己講:往後既日子一定要努力咁令自己既遺憾唔再增加...
可能係呢幾年既經歷真係令我成長了,亦領悟左不少!

曾經
日日相對,合作無間既好同事竟然會互相猜忌勾心鬥角..
終日嘻嘻哈哈稱兄道弟既好朋友都會惡言相向互相利用..
天真咁被出賣了還傻然不知,好可憐哦??
昔日如膠似漆既愛侶亦都經不起誘惑ar 如今只係形單影隻得返自己一個
點解每一次你都會同我分享其他人既開心喜樂,
但當我最傷心失意既時候,你可有在乎過我既存在?
咩山盟海誓,生死相隨,應該得電影先有既情節吧???
成日同自己講:事實並唔係咁灰暗ar^^"
現實上
一次一次既希望,只換來一次又一次既失望...
再一次跌痛了,心碎了,夢醒了...

廿幾年來,第一次醒悟:我既人生唔再係因為其他人而生存!
我可以有疼惜自己既家人朋友同事
我可以有愉快理想既工作
我可以有自己想要既生活同夢想
原來...係我既世界
少左你,少左愛情之後,依然可以擁有一顆完整既心!

容許我說一句:媽媽對不起~
呢幾年來,實在太令妳失望,令妳擔心傷心難過了...
宜家既我真係大個女喇!
我唔會再任性了!

因為我好愛好愛呢個家...