百果園E神陳靜與男子組合零舍有緣，先後與Square的Gary和台灣組合AK成員陳奕傳緋聞，雖然桃花旺盛，但她昨日接受電話訪問時，卻表示今日中秋未有男友陪伴，只會跟家人吃飯及偕友BBQ或打邊爐過節。
陳靜說：「其實我同呢兩個男仔冇乜發展機會，擦唔出火花，我同Gary以前係拍過拖，分開過再一齊都覺得唔係太適合，大家做朋友會好啲。家我工作為先，拍拖唔急，係有時過節會感觸啲，尤其中秋、聖誕，情人節實死啦，都係緣份，聽天由命。」
若今日天氣放晴，陳靜可會與友人外出狂歡？她苦笑：「人哋一雙一對，我就一個人，快啲食完飯返屋企搵貓咪陪囉，希望下年有人同我人月兩團圓啦！」
from:
http://hk.apple.nextmedia.com/te ...462&art_id=14475502
