陳志雲昨日上庭，獲無綫藝員好友王喜全程陪伴，王喜昨晚接受記者電話訪問時，形容昨上庭情況順利，陳志雲也心情平靜。
昨日有指王喜會將位於九龍西的物業變賣套現，供陳志雲打官司，王喜對此說：「我都係盡一般朋友嘅責任同義務，佢需要陪伴嘅時候，我會盡量陪伴。如果情況極端，我作為朋友能夠做到最多同最盡嘅一件事，就係賣樓籌錢幫佢打官司。」
陳志雲將於下月19日再度上庭，王喜暫未知道屆時會否陪伴應訊，他說：「睇吓嗰日有冇通告，我都要搵食。」
之前捲入陳志雲貪污案的無綫前監製錢國偉，獲撤銷保釋，他昨日現身將軍澳電視廣播城，透露有看關於陳志雲的新聞，他說：「我冇打畀佢呀，家咁嘅情況，要畀佢唞吓。」
據悉錢國偉一直希望做電影導演，雖然他已離職無綫，但方逸華掌管的邵氏稍後將找他執導一部青春片，記者昨日致電錢國偉，他只說：「現階段未作實。」
from:
http://hk.apple.nextmedia ... art_id=14475485
