陳法拉昨日以50年代旗袍復古打扮在上水出席「黃金歲月：中國百周年電信展」活動，法拉特意花時間裝扮，她說：「我自己set頭，用咗我好多心機，搞咗兩個幾鐘，件旗袍就係同公司借，都好啱身，可能近排瘦咗，家得番24吋腰。我好鍾意復古造型，古董都鍾意，屋企都有收藏字畫、古董。」
明日中秋節，法拉要在工作中度過，父母則在美國，她也未知能否趕及和男友薛世恒家人食飯，不過法拉每次拜訪男家都是「兩梳蕉」，法拉說：「有時都會買雪糕，大家都係好隨便好客氣，我喺外國生活都冇呢啲習慣，但禮儀禮貌一定會做足，我唔知過節要送禮。」問她男方家長有否要求她婚後為薛家繼後香燈？法拉說：「暫時仲好熱愛我嘅工作。」
from:
http://hk.apple.nextmedia ... art_id=14471656
