詩雅和冼色麗在電影《囡囡》中飾演援交少女，各有大膽場面，冼色麗日前接受訪問說：「我覺得最大膽嘅戲有兩場，一場係同個客喺街度咀到去酒店，另一場就喺酒吧入面。」詩雅則指今次演出已是底線：「我最激係要扣住手銬同對手玩SM，最激嗰part我哋交咗畀台灣演員做，佢要半裸上身，我自問過唔到自己嗰關。」說到最難地方，二人同聲指是講粗口，詩雅說：「開頭唔記得要加啲粗口字入去，後尾練多咗越講越熟，我哋幾個女仔傾偈都會唔覺意講咗，爸爸媽媽都話我變到好爛口，好彩家戒甩咗。」
被誤會援交放大圖片
詩雅在片中與對手有多場咀戲和床上戲。
冼色麗（左）和詩雅為拍攝《囡囡》拋棄純情形象，大講粗口兼有連場大膽戲。
問詩雅如何投入角色？她即自爆事說：「有次我膽粗粗去搵社工，睇吓佢可唔可以幫我聯絡到啲援交妹妹，點知個社工誤會咗我做援交，仲叫我入房想開導我。」採訪：譚倩宜攝影：彭琮然服裝提供：tout a coup
