張家輝日前再憑電影《証人》奪得長春電影節影帝，六度封帝的他昨日在中環聯同老闆楊受成、導演林超賢等舉行祝捷會。家輝指是次得獎沒有特別慶祝活動，他說：「原先公司想我攞晒啲獎出嚟影，不過我唔想炫耀，得獎係畀到我信心，但唔想將得獎成為自己包袱，唔想由好事變成壞事。」
至於新戲《綫人》上畫8日暫收700萬票房，成績理想，預計很快打破《証人》的790萬票房紀錄。家輝透露昨日易容戴上帽和假牙，單拖到旺角看《綫人》，家輝笑說：「因為唔想俾人認得，戴咗副之前特登喺牙醫度造嘅假牙，副假牙要4、5千蚊，之前拍王晶部《財神客棧》用過，試過喺屋企戴畀老婆睇，佢笑到跌落地。入到戲院見到觀眾反應好好，旁邊個女仔係咁喊，個男朋友話佢喊乜，我真係好想插嘴話喊係好正常。」
from:
http://hk.apple.nextmedia ... art_id=14414698
