Big 4、吳國敬及倫等昨日到維園參與悼念馬尼拉遇害港人遊行，許志安表示雖然晚上要趕到紅館演出，但也想到場表達心意，他說：「只係想對死傷者同家人表達慰問，希望菲律賓當局嘅調查還死者公道。」蘇永康謂要用愛支持生還者與死難者家人，又說：「希望大家少啲怨氣啦。」
吳國敬相當激動地說：「菲國政府要有個交代，先係唯一彌補700萬香港人嘅心，尤其笑住出鏡嘅總統，要畀大家一個交代，死咗8個中國人，佢仲笑住上鏡，佢唔落台嘅話就等天收。」馬海倫開腔即忍不住哭，她說：「我信佛嘅，有為佢哋念經，我自己有阿媽有小朋友，見到呢件事真係好心痛，呢個星期情緒都唔好。」
本欲參與遊行的張敬軒最終因工作沒有成行，他昨在會展出席活動時說：「我唔記得有呢個活動，又以為遊行係朝早，惟有精神上支持。」他謂在網頁上發現一名自稱是領隊Masa表妹的留言，軒仔說：「要再求證真定假，佢話希望我出席領隊嘅喪禮，但嗰日我要做一個音樂會綵排，未必去到，至少會送花圈。」
from:
http://hk.apple.nextmedia ... art_id=14396103
