關菊英、衞蘭（Janice）等昨晚到將軍澳電視廣播城為《勁歌金曲》錄影，Janice本身有菲律賓血統，對於今次港旅客在菲被脅持事件，Janice表示當日自己有工作在身，所以冇留意新聞，不過有朋友sms告知她，她說：「覺得件事好恐怖，為佢哋祈禱，好耐都冇返菲律賓，自己唔會因為呢件事怕咗返去，呢啲係估唔到會發生嘅事，可能經此事後，當地政府會改善，可能會學到啲嘢，事實上呢個世界好多嘢都好恐怖，所以要發放多啲愛出去。」
本身屬中菲混血兒的杜麗莎昨晚和父親到灣仔出席《轟天猛將》首映禮，被追問菲政府備受批評時，她即扯火說：「我喺沙士時去多倫多都成日俾人鬧，我係香港人，我只係73年去過菲律賓唱過一次歌咋。」關菊英則表示當日發生慘劇時身在泰國，但她亦十分不開心，就連新劇《公主嫁到》星期一首播時有36點高收視，他們亦取消了祝捷會。此外，無綫和亞視今日都會安排旗下藝員回公司進行哀悼儀式，以悼念遇難港人。
from:
http://hk.apple.nextmedia ... art_id=14383487
