近期日圓滙價高到無朋友，小妹原本計劃暑假去日本玩都要打退堂鼓，點知國泰假期外遊業務發展經理Josephine同小妹報料話，經過同事同日本酒店馬拉松式嘅討價還價，對方終於肯讓步，送酒店住宿優惠畀國泰假期啲客。
Josephine話，最抵玩嘅係大阪三日兩夜套餐，價錢$4,099，額外多送兩晚酒店住宿，變成五日四夜套餐，「其中一間可選擇嘅Hotel Sunroute Umeda酒店，新裝修房間都幾大，又就腳，離中津地鐵站只需要步行三分鐘」，但出發日期限即日至10月31日。
蔡瀾帶隊耶加達美食團
Josephine又話，國泰想旅客體驗印尼耶加達旅遊新景點，下月增加直航耶加達班次，由現時每星期12班加到18班，「為咗配合加班機，下月30日推出一團蔡瀾帶隊嘅耶加達四天美食團，食盡印尼巴東餐、泗水餐、爪哇餐，好似Gado Gado印尼沙律等，嘆埋印尼spa，團費$16,880起」。另有三日兩夜耶加達私人導賞團，二人成行一人價$5,170起。「私人導遊會帶團友到當地Taman Safari Indonesia動物園，近距離接觸各種動物」。
詳請瀏覽
http://www.cxholidays.com
