郭可盈、薛凱琪及藍奕邦昨日在愉景新城擔任「小小巨聲不偏食至營挑戰賽」總決賽評判。郭可盈的囡囡已7個月大，她說：「好開心，日日好新鮮，家識得坐，佢好鍾意笑，畀人感覺好似歡迎你咁。」可盈表示有意再生多一個，她說：「可能等佢兩、三歲先，多個人陪會好少少。」可盈希望珍惜跟囡囡共處的每分秒，故不願接工作，至於林文龍，她說：「佢唔會，佢內地都有嘢做。」
薛凱琪擔任評判，見到可愛的小朋友也有生仔念頭，她說：「家好男仔真係好難搵，都唔好講話養唔養，真係冇安全感，生小朋友唔係一件小事，要有一個幸福嘅家。我自問冇拍過散拖，每次都係認真，都諗住係最後一段，但係次次都遇唔到好。」
