被稱為史上最大膽女主持Vienna會穿上制服，出席在澳門舉行的成人博覽。
呢個周末澳門好鬼熱鬧，新一屆亞洲成人博覽今日開鑼，一連三日喺威尼斯人會展中心展示各種成人用品。今年日本參展商仲派咗12個女優嚟展場show吓實力，同觀眾貼身接觸唱K影相。港產o靚模梗係唔會比女優威晒，其中now TV 903成人極品台搵咗近期深受宅男歡迎、被譽為史上最大膽嘅成人台主持Vienna領軍挑戰一眾女優。
該台製作總監Mac噚日同小妹講，Vienna會帶埋四個Angel到會場，着住警察、護士、學生服裝同觀眾玩遊戲，答中問題會送出避孕套等成人用品。Vienna仲會即場播放佢係YouTube熱爆嘅片段，挑戰朝美穗香、佳山三花等日本女優，「即場播畀啲女優睇，交換吓心得」。
入場費$100 現場有表演
本港性玩具龍頭生產商兆邦洋行當然有參展啦，佢哋為咗慶祝在內地首設成人用品店，喺會場劈價益街坊。兆邦CEO Frankie話，原價200幾蚊嘅女性情趣用品，以震撼價10蚊銷售。一直熱賣嘅日本女優巨乳天后青山菜菜，以及可愛教主二宮沙樹倒模自慰杯，原價$280，劈價近一半賣$150。主辦機構縱延展業項目經理Arosia提醒入場觀眾，今日公眾開放時間係下午3點到7點，周六周日係上午11時至晚上8時，入場費$100。表演活動計有澳洲壞孩子同辣妹大跳勁舞，日本藝能組合大玩人體書法等。
