張家輝、謝霆鋒及桂綸鎂主演的新片《綫人》昨晚在灣仔會展舉行首映，一眾主角盛裝到場，霆鋒一反常態沒有穿人字拖出現，西裝骨骨的他認為太隨便不尊重場合，一身西裝是老婆張栢芝帶給他的，因他昨日剛落機。見霆鋒頸上戴有細仔Quintus名字的頸鏈，他透露是栢芝整給他的，至於是否已有中文名？霆鋒說：「我唔會標榜佢叫乜嘢名，想低調，人生仔我生仔冇分別，我只係想佢健康。」
吳浩康（Deep）和近日隆胸升cup的莊思敏一同到場，問到是否滿意女友現有身材？Deep表示太私人不會回答。
至於是否支持女友決定？Deep說：「我支持，但支持唔代表認同，佢冇乜同我商量就決定咗，佢有自己主見。」會否與女友一同游水？Deep說：「去派米呀？唔會喇，我都幾大男人，有啲嘢介意同人分享。」但Deep坦認手術途中一度有點擔心。
from:
http://hk.apple.nextmedia ... art_id=14355323
