許志安上月底宣佈與余德琳（Michelle）分手，之後被指為求與舊愛鄭秀文（Sammi）復合，出盡賤招趕走女友。曾與安仔合作20年的前助手兼緋聞女友潘恒章（細佬），不忍見安仔形象插水，日前挺身而出力撐安仔是好人，更自爆曾與安仔拍拖兩年，後因Michelle介入而分手。因安仔過去一直不肯承認與細佬拍拖，今次細佬真情剖白，反踢爆了安仔的大話情人真面目。
許志安上月底宣佈與拍拖三年的女友余德琳分手後，外間有指安仔為求與鄭秀文復合，以爆粗及cut信用卡等賤招趕走女友，事後Sammi親撰千言書否認與安仔復合，但安仔已被貼上賤男標籤。安仔的前助手兼前緋聞女友潘恒章，日前打破多年緘默挺身維護安仔，力撐他不是賤男之餘，更首認安仔與Sammi分手後，曾跟她拍拖兩年。
由於安仔與細佬拍拖兩年以來，多次否認戀情，06年被追問與細佬的緋聞時，他更聲稱：「一笑置之，得啖笑。」如今細佬公開承認戀情，無疑踢爆安仔大話情人的真面目。本報記者昨日致電細佬，她再次承認曾與安仔拍拖之餘，更不下五次大讚安仔是好人，她說：「我都係講嗰句，佢（安仔）個人真係好好，所以我要行出嚟同佢講幾句。」
有關與安仔拍拖兩年一事，細佬直認不諱說：「呢啲都係事實，都過咗去。我其實都係想幫佢講番一啲好說話，佢真係一個好好嘅人。啲雜誌寫得佢太差，佢係一個好好嘅人，唔應該咁抨擊佢。」覺得安仔是有情有義的人？細佬說：「係，真係嘅，佢會保護身邊所有嘅人。」
問到細佬分手後有否跟安仔保持聯絡，她說：「冇，但今朝佢打電話嚟，大家講咗兩句。我話總言之你開心啲啦。」安仔有否道謝？細佬說：「都有o架，我明o架啦，你知佢啦，男人嚟o架嘛，同埋啲嘢不嬲都在心中。佢話：『得o架啦，我明o架啦。』明嘅意思即係『都多謝你啦』。」即安仔未有因細佬踢爆昔日戀情而生氣，反而主動說多謝？細佬說：「係呀！佢話：『我明白，我明白。』」記者欲追問Michelle介入戀情及安仔曾給百萬遣散費之事時，細佬只說：「我唔講呢啲啦，我淨係想帶個message畀你哋聽，佢唔係一個咁差嘅人，佢係一個好好嘅人。」與安仔仍是朋友？她肯定地說：「係。」
據悉細佬擔任安仔助手時已暗戀安仔，對他癡心一片，其後被安仔拋棄，細佬終日以淚洗面，一蹶不振，後得好友多番開解才走出陰霾，如今在安仔好友毛志輝的鐘錶集團（即Michelle舊公司）任職外，偶爾也兼職為譚詠麟等藝人做助手。至於形象插水的安仔，近日因心情低落而留守家中，不欲就細佬訪問內容作回應，記者昨日也未能聯絡到他。
細佬日前自言看到安仔被冠以賤男之名感心痛，認為有必要為他討回公道，並自爆曾與安仔相戀兩年，她表示05年3月與安仔及大班朋友到泰國旅行時，一天兩人黃昏行沙灘聊天，她主動向安仔說既然雙方都沒拍拖，不如大家走在一起，獲安仔點頭答應，令她正式由安仔下屬變女友。回想昔日拍拖點滴，細佬大讚安仔會為愛人製造驚喜，試過清早起床買禮物逗她開心，可惜這段情只維持了兩年，便因Michelle介入而起變化。
細佬表示07年底不時與安仔一起跟友人聚會，同時認識了Michelle，當時見安仔經常被大班女仔包括Michelle包圍傾偈，已打翻醋埕。有感安仔對自己表現冷淡，細佬有天忍不住問安仔：「你係咪同佢（Michelle）？你最近咁冷淡對我，係想同我分手？」安仔當時坦然承認，之後細佬便與安仔結束賓主及情侶關係，並獲七位數字的「遣散費」。與安仔分手後，細佬坦言曾想自殺，但即使曾被安仔傷害，她並沒憎恨安仔，又大讚安仔為人真誠。
from:
http://hk.apple.nextmedia ... art_id=14345731
