關心妍（Jade）昨日到商台宣傳新歌《從新出發》，她表示之前與舊唱片公司約滿時擔心過沒有機會再出碟，她說：「嗰時我諗自己嘅事業係咪要停呢？好彩家個老闆搵我出碟，但呢份約係出一兩隻碟，蝕錢都唔好意思叫人再出。」Jade坦言一直以阿Q精神面對困難，她說：「將來真係冇得做就算，冇得唱又唔會冇咗條命。」
Jade透露新碟歌曲是她最拿手的失戀慘情歌，問她現時生活幸福，如何拿揑失戀心情？她說：「以前我都有悲傷嘅經歷，錄音時咪搵番啲瘡疤同悲傷出嚟，真係要多謝傷害過我嘅人，唔係都唱唔到呢啲歌。不過我返到屋企見到老公就會拋開呢啲情緒，個人會開心番。」
from:
http://hk.apple.nextmedia ... art_id=14335525
