o靚模近期熱爆娛圈，現年26歲、擁有36F豪乳的o靚模始祖雷凱欣不甘被後浪掩蓋，最近答允露兩點演出3D三級片《肉蒲團之極樂寶鑑》，以求一脫成名。
近期80後o靚模為上位博到盡，爭相推出噴血寫真，身為o靚模始祖的36F雷凱欣近年人氣下滑，為挽頹勢，她近日答允演出蕭定一投資逾2,000萬的全球首部3D三級片《肉蒲團之極樂寶鑑》，以求一脫成名。同片還有貌似張栢芝的內地女星藍燕、日本AV女優原紗央莉及周防玲子，男主角則是葉山豪。
吳啟華和葉子楣於91年主演三級片《玉蒲團之偷情寶鑑》，事隔19年再拍3D版，蕭定一信心十足，他昨日更相約雷凱欣和藍燕到金鐘傾劇本，兩女之後又挽手行商場血拼。
據知雷凱欣在片中會露兩點，問她為何肯坦蕩蕩現身大銀幕，她昨日在電話中說：「舊年5月佢哋策劃呢部戲時已經聯絡我，我最初推咗，但佢哋一邊改故事，一邊再畀劇本我睇，最後俾阿一（蕭定一）嘅誠意感動咗，答應幫佢拍。」
雷凱欣指角色有發揮，並謂以前也拍過兩部三級片，分別是《黑勢力》和《新禁室培慾之愛的俘虜》，她說：「我拍三級片係冇問題，至於露點演出，我都諗咗好耐先過到心理關口，因為真係劇情需要，我覺得性感未必係色情。我好鍾意個故事，內容好凄美，我個角色仲會死。」提到3D露點演出很出位，她說：「係呀，我聽聞好多外國片商都招手買版權，部戲下個月就開鏡。」
from:
http://hk.apple.nextmedia ... art_id=14292480
