為期一周的書展昨日閉幕，一眾被拒門外的o靚模盡最後努力催谷寫真，其中尹蓁晞（Yumi）獲老闆林建明大讚新書有100分，Yumi即識做獻吻。對於動漫節封殺周秀娜，她說：「點解呀？佢今年都唔算太sexy吖，有其他人仲出位啦，可能有人對佢有少少偏見。」
劉欣宜（E Cup Baby）和李蘊亦到書展宣傳，李蘊昨日19歲生日，獲毒男鄭智殷送上蛋糕和唱改編生日歌支持，她接受訪問時說：「我之前學跳舞同寫詞都同佢同班，上網睇過作嘅歌都好勁，瀏覽量仲多過我哋，我都好欣賞佢。」問到可知道周秀娜被動漫節封殺時，E Cup Baby暗寸娜姐說：「我哋會去大舞台唱歌，同埋係大會邀請我哋嘅。」
另外今年書展埋單，去年Angelababy寫真力壓周秀娜成女王，但今年周秀娜發力狙擊，單是過去一周書展銷量已逾30,000本，加印版將推到後日開幕的2010香港動漫電玩節再促銷，昨日截稿前，o靚模浸大咪神楊梓瑤的噴血作則報稱賣逾20,000本，成績也不錯。
from:
http://hk.apple.nextmedia ... art_id=14284456
