「最低工資應該30蚊，如果啲老闆咁就話要執笠，肯定係言過其實」。這番話不是來自工會代表，而是出自有約700名員工、超過80間分店的鴻福堂執行董事司徒永富之口，在商場打滾超過20年，他說：「我從未聽過一間企業會因為加人工而破產！」
將凉茶變成潮流飲品
同是飲食業，有人說最低工資應該訂為每小時20元，打工仔出身的司徒永富則覺得，即使定為30元並不為過，因為香港飲食業最大的成本開支，薪金只排第三，他說：「做老闆嘅撫心自問，過去一兩年原材料價格都升咗一成，同埋舖租升幅，都肯定高過人工加幅。」
如果最低工資定30元，鴻福堂都要加薪，成本肯定上漲，司徒永富說冇問題，但員工要「值」，他說：「唔係你人工平3蚊我就用你，我請你係因為你一定做得好過部機器。」他舉例指前線職員殷勤笑容和態度，可以帶來「翻頭客」，效益肯定比自動售賣機高，但如果員工做事態度馬虎，效益便可能比機器更低。
說到底都是一盤數，司徒永富認為扭毛巾式壓縮成本只會雙輸，他說：「員工做得辛苦成日病，病假請多咗，做得唔開心，對啲客唔識笑，公司生意都做少咗。」他要求員工要有笑容、有熱誠、更要有創意。他在新書《老闆要的不是牛》中，便向打工仔教路，除了勤力，更要用腦，才會有身價。
司徒永富自言自己是最佳寫照，由一心往上爬的銀行小職員，到炒樓炒股成負資產，最終變身賣凉茶翻身。當初敗因是因循守舊心存僥倖，今日成功則是靠創意和用心，將老土的凉茶入樽變成潮流飲品，把阿媽靚湯包裝成OL和上班族恩物，透過不停創新，鴻福堂生意年年呈雙位數增長。
他告誡打工仔必須要戒掉夠鐘收工和多做多錯心態，80後一代更要擺脫自我中心，他說：「例如你同佢哋傾點樣推銷產品，佢哋一味話facebook好，就算你講目標係長者，佢哋都係堅持用facebook。」
告誡80後不要太自我
司徒永富指大多80後成長備受呵護，令自信心爆棚，容不下其他意見，是這一代年輕人缺點，儘管上一代也並不完美。「以前我打工嘅年代，老闆話要返內地或去海外開荒，人人都耍手擰頭，但冇人會覺得有問題，如講全球化視野，我哋肯定唔及80後」。司徒永富認為每一代人都受不同成長背景影響，社會上許多針對80後批評都不公平，重點是僱主和管理層如何演好伯樂的角色。
from:
http://hk.apple.nextmedia ... art_id=14278021
