浸大咪神楊梓瑤（Carol）今年以倒奶性感寫真爆出，吸金停不了，不過她前晚到尖沙嘴一酒吧行婚紗騷，竟然玩遲到。
Carol身穿婚紗匆匆到場，比原定時間遲了近半小時才出現。問她為何遲到？她聞言搶着聲稱未有遲，但記者指是工作人員透露，Carol即慌失失說：「吓！」提到做藝人要守時，她身旁的工作人員立即扯她入場，未有回答，之後她穿婚紗在吧枱上行騷。
另外，Carol昨日到西九龍中心出席網絡遊戲活動，她直言書展後工作大增，問她有否加身價，她說：「都有少少，唔係太多，自己剛剛起步。」對於A.Lin指她殺入書展會場是犯規學生，她反寸說：「呢個係中學年代咩？我都冇犯規，大會冇話唔畀我入，有時間我會再去。」
Carol的寫真內，有她胸前塗上白色液體及食冰的艷照，但她否認意識不良，她說：「喺峇里曬太陽梗係有太陽油，食冰係大家細個童年回憶。」
對於今日出席港台辯論節目，Carol表示：「始終自己係一個未讀完書嘅學生，會真誠回答每一條問題，加上我只係一個好後嘅後輩，唔會質問前輩嚟為o靚模出一口氣。」
from:
http://hk.apple.nextmedia ... art_id=14271926
