鄺美雲（Cally）未有因早前前夫呂良偉出自傳而影響心情，昨日現身沙田賽馬煞科日時更拉頭馬，心情大好勁講養馬經，更稱會與友人食飯睇世界盃慶祝。當記者問到呂良偉出自傳惹風波，Cally即急腳閃人，表示未有看過其著作。
鄺美雲、賭王四姨太梁安琪及許晉亨等昨日現身沙田馬場煞科日，當中Cally有份做馬主的「千江映月」贏出，Cally拉頭馬時表現十分興奮。
Cally說：「呢隻馬第二次贏，自己有兩匹馬，一匹退咗役喺澳洲。我夜晚會同成班朋友食飯慶祝，都會睇波，自己就睇好西班牙贏，八爪魚都話佢哋會贏，德國都支持，因為自己做代言嘅護膚品都係來自德國。」當記者提起其前夫呂良偉出自傳，她聞言即急腳走人，只道：「冇睇，冇時間睇。」
此外，容祖兒則率領林峯、蔡卓妍（阿Sa）和王祖藍等在馬場宣傳電影《翡翠明珠》，林峯和阿Sa更在沙圈騎馬亮相。祖兒則謂自己不諳騎術，她說：「自己試過騎馬，不過好論盡，唔似林峯咁叻。」
提到城城將成為馬主，問祖兒會否效法，她說：「佢開始玩馬，我就未有研究，馬係有靈性，馬主未有諗過，有諗過做狗主，不過屋企有三隻貓，媽咪話養狗驚啲貓唔開心。」
from:
http://hk.apple.nextmedia ... art_id=14229355
