黎明前晚去了上海出席意國名牌Ermenegildo Zegna活動，獲品牌第四代傳人Anna Zegna熱情款待，陪他揀西裝，黎明看騷之餘，更留在派對場內欣賞有英國Lady GaGa之稱的歌手Roisin Murphy表演，他更問朋友借相機影蒙古歌手薩頂頂。
黎明在活動中繼續發揮金句王本色，更歡迎各界不明就問到明。愛妻樂基兒昨日在中環出席BMW環保車活動，她直認有時都聽不明黎明的金句，她說：「有時都聽唔明，不過，明白嘅時候係多過唔明嘅。」問她可明白連體嬰的金句？她說：「呢個佢一講我就明！」黎明自嘲白癡，樂基兒就撐老公說：「佢講嘅嘢都有道理，解釋番，大家都會聽得明。」她透露夏天到，不時會和女性友人出海滑浪，但不會和黎明一起，她說：「我哋做運動係分開，除咗行樓梯機，冇咩運動一齊做。」黎明做運動都可能講金句，樂基兒笑住說：「可能會！所以大家冇一齊囉，我做運動要聽歌。」
此外，丁子高前晚出席上海Zegna活動，直認愛教老婆楊千嬅唱歌，他說：「我好霸道，鍾意人哋跟我嗰套。」即使千嬅貴為天后都要他教？子高說：「咁我係佢老公嘛。」他又謂夫婦從沒吵架：「我文質彬彬，但都要練把口賤啲同佢拗過。」千嬅爆子高緊張會手濕，他則說：「佢家都唔dry啦，我係佢嘅甘露。」非常肉麻。
from:
http://hk.apple.nextmedia.com/te ...462&art_id=14224058
