Angelababy（楊穎）成為日本甜心，日前在東京以嘉賓身份出席Tsumori Chisato秋冬時裝騷。Baby對於貿易發展局封殺o靚模在書展舉行簽名會感到無奈，她謂自己的寫真集絕對沒有意識不良不健康，並已另有籌謀鐵定下月24日書展期間，在海港城開簽名會打對台。
日本時裝品牌Tsumori Chisato面世20周年，日前在東京六本木Ritz Carlton舉行秋冬時裝騷，成為日本甜心的香港女模Angelababy有幸成為嘉賓在現場看騷。問Baby會否在日本購物給男友黃曉明，她說：「喺日本要工作，冇時間行街，工作時見到喜歡嘅衣物就會問喺邊度賣，然後去買。」
Baby將於下月出版第三本、在關島拍攝的寫真集，對於貿發局將於下月21至27日在會議展覽中心舉行的書展，封殺o靚模的簽名會，Baby說：「自己喺日本都唔知情，不過知道後都覺得好無奈，自己都唔鍾意被標籤係不良意識同唔健康。」
記者其後致電Baby經理人Kim詢問寫真集簽名會的安排，她也對貿發局的決定表現不滿，Kim說：「Baby以往出寫真集都絕對健康，冇意識不良、低俗品味，我哋完全唔認同。」問她原本有否安排Baby於書展出席簽名會活動，她說：「Baby下個月好忙，只得一日期，加上會展簽名會要抽籤未知道邊一日先得，所以我哋已決定今年唔會喺書展簽名，定咗下個月24號喺海港城。」
Kim越講越激氣，她說：「覺得佢哋矇查查，Baby本寫真用咗好多心血，由Wing Shya操刀，係會以亞太區出發，下個月尾仲會喺東京Lumiere百貨有相展，更會掛大型billboard，點會意識不良，人哋日本咁重視，覺得佢哋唔珍惜香港藝人。」
from:
http://hk.apple.nextmedia.com/te ...462&art_id=14180457
