繼曹敏莉今年底下嫁金融才俊Jacky後，01年港姐季軍朱凱婷，亦宣佈今年9月跟拍拖5年的飛機師男友Dickens拉埋天窗。32歲的朱凱婷昨日接受電話訪問時說：「婚禮會喺9月24日在洲際酒店舉行，註冊同擺酒一次過搞，預計40圍左右，到時會有dance floor畀大家跳舞。」至於曹敏莉、陳茵媺、李詩韻和張嘉兒等將任姊妹團。
談到男友求婚過程時，朱凱婷笑說：「舊年我出去做騷前，佢話我好似欠啲首飾，跟住攞隻戒指出嚟。當時我好surprise都想喊，但怕喊花個妝，所以一味忍住，直至做完騷返屋企先忍唔住喊出嚟。」可計劃生BB？朱凱婷說：「自己都中意，但未計劃即刻造人，想過吓二人世界先。」
from:
http://hk.apple.nextmedia ... art_id=14153198
