最近手足口病、腸病毒橫行，陳慧琳（Kelly）昨晚在中環出席活動時，透露嚴格執行返家必須換衫、洗手先准抱BB的策略。視愛兒蝦餃仔大過天的她，更透露準備製作蝦餃仔蛋糕，慶祝父親節，認真入晒腦！
陳慧琳、台灣男星鄭元暢和內地女星高圓圓等，昨晚在中環出席中銀大廈20周年誌慶，意大利名牌Salvatore Ferragamo在中銀內開騷，名模杜鵑、姚予晴等示範47套秋冬新裝。
陳慧琳着住一身Ferragamo大露背長裙，腳踏6吋高跟鞋現身。張學友早前一家染腸病毒，Kelly揚言聽到怕怕，她說：「驚呀，好彩我哋唔係成日出街，蝦餃仔（兒子劉昇）又未返學。」她謂會小心保持家居清潔，但堅持自己無潔癖，她說：「唔算潔癖，愛乾淨啫，每個人返屋企都要換晒衫、洗咗手先可以抱BB，工人每日拖地，一個星期用1:99清潔劑拖兩次。」不怕太乾淨，蝦餃仔抵抗力差會易病？Kelly說：「唔會過份，佢有時跌咗玩具落地，執番都照放入口，抹都抹唔切，好彩佢好少病。」
問到父親節如何慶祝？三句不離愛兒的Kelly就開心說：「可能整個蝦餃蛋糕送畀爹哋。」她透露近期忙於錄音，重唱翁倩玉《阿信的故事》國語版，更感激製作團隊遷就她來港錄製。
同場的鄭元暢穿上厚西裝，熱得一頭冒汗，更因要等高層被迫留在車上10分鐘。他最近和黃曉明舊愛李菲兒合拍網劇《歡迎愛光臨》，昨日更以劇中攝影師的鬚根男造型出現，他大讚李菲兒可愛，問到兩人在劇中可有kiss場面？他說：「每套劇都有啦。」鬚根可會拮到李菲兒？他即說：「不清楚，你問她吧。」
from:
http://hk.apple.nextmedia ... art_id=14126622
