宅男追o靚模唔易，藝人二代兼同屬娛圈人，要追女神簡直冇難度。8模出身的A.Lin（裴殷），上年曾自爆被圈中幕後狂追、又話好恨拍拖；誰不知劇情峰迴路轉，上週五（28日）A.Lin再向傳媒自爆被一名藝人二代玩弄感情，更看清楚愛情騙子真面目
本刊得悉，搞到女神喊晒口的藝人二代，原來就係曾志偉兒子曾國祥。30歲的曾國祥，遺傳老豆花心多女的「優良血統」，據知愛蒲爛玩的他除keep住正印女友外，亦經常孔雀開屏，收埋兩件o靚模，其中一個就係A.Lin。呃足半年，A.Lin始知身邊姊妹奀模亦與曾國祥行埋，呃女方法同出一轍，A.Lin速斬纜，搞到要睇心理醫生同閨中密友大呻，話覺得「自己好dirty！」醒水起錨，未污糟得晒喎！
聲稱入行前拍過4次拖嘅A.Lin，今次被呃女王騙情，搞到女神話以後對男人失晒信心。收拾心情嘅A.Lin，最近投入宣傳同DaDa一齊影嘅新寫真，寫真入面有校服誘惑同呢個健康排球look，吸盡宅男水。
21歲A.Lin（裴殷），原名朱麗玲，16歲做龍模出身，因唇形和精靈雙眼似足阿Sa（蔡卓妍），而有「翻版阿Sa」之稱，上年她正式入行加入GME，做咪神周秀娜師妹，並與其他7模組成8模出寫真而上位，成為宅男女神。不過女神要保形象一直話自己冇拍拖，即使被傳有圈外男友Stanley Tse，甚至曾被本刊拍得跟四眼男返歸，A.Lin都一概否認。
後生仔，唔拍過又點知好唔好呢？(真實對白)
週日（30日），曾志偉出席其火鍋店開幕活動時，問及兒子曾國祥緋聞，就話：「後生仔，唔拍過又點知好唔好呢？人生總有放任時間。」
試鏡溝女
女神似好難追，但實情好易氹。入世未深的A.Lin話咁易被情場老手呃到手。01年靠老豆曾志偉入行，在陳可辛公司由場務做起的曾國祥，多年來電影事業冇甚大作為，但夜蒲新聞幾乎次次中，02年更曾與丁子高發生夜場打架事件。據知近年曾國祥與一圈外女友拍拖多年，但曾卻花心腳踏幾船，最近更借教戲為名去溝女。
據知上年6月曾國祥處男執導開拍陳奕迅、林嘉欣及謝安琪孭飛新戲《戀人絮語》，試鏡期間初次邂逅A.Lin，雖然A.Lin最後沒有被錄用，不過曾就早對女方嗒糖。據幕後人員透露：「雖然冇揀中A.Lin，不過試鏡當日曾國祥即刻問製片攞佢電話，之後就約去Volar蒲！」
嫩模A.Lin樣甜兼擁33C白滑乳，難怪去年憑8模寫真一書成名。
氹做第三者
一蒲得米，二人極速撻着，不過由於曾國祥有正印在身邊，與A.Lin「拍拖」就低調。上年8月A.Lin出席ToyWatch活動已甜絲絲露口風：「家有個做幕後嘅追緊我。」靠把口冧女，即使有正印女友在身邊，A.Lin一樣信晒曾國祥，心甘情願做第三者。「曾國祥同A.Lin講話同正印晨早冇晒感情，只係等合適機會分手，叫A.Lin畀啲時間佢。」為令A.Lin放心，早在今年二月陳小春和應采兒在拉斯維加斯結婚擺酒，曾國祥亦秘密帶埋A.Lin去美國飲喜酒，又介紹佢畀老豆曾志偉認識，讓A.Lin感受吓「女朋友」身份。
收埋正印:曾國祥溝女低調，就算拍拖多年女友亦甚少出現公開場合，營造專一形象，方便佢出外溝女。
一試即溝:曾國祥上年6月為電影《戀人絮語》試鏡，其間中o靚模A.Lin，情場老手嘅佢唔使2個月即刻溝到手。
溝埋姊妹
一心以為有個好男友嘅A.Lin，甘願做其地下情人，二人秘玩半年，神不知鬼不覺。沐浴愛河的A.Lin忍不住同身邊密友分享戀情，上月A.Lin同一位未正式入行的o靚模好友傾訴，言談間兩女發現大家男友竟然係同一人，A.Lin得悉真相後與女模好友相擁痛哭。
慘受情傷的A.Lin大受打擊，據她身邊好友表示：「A.Lin好傷心，覺得俾人呃得好緊要，佢搞到好抑鬱，嗰排仲要睇心理醫生食藥先得，佢試過喊晒口咁同好姊妹講，話覺得自己好dirty，以後都唔會咁蠢！」最後更決定同賤男斬纜。
2月見家長:今年2月去拉斯維加斯出席陳小春婚禮；原來暗帶A.Lin見老豆志偉，令純情嘅A.Lin以為自己取代正印！
失戀拋胸搵銀:情傷A.Lin現寄情工作，上週六（29日）繼續賣大咪宣傳寫真，事業最實際。
兇佢收口
雖然二人分手數月，不過上週卻有報章報道指A.Lin被藝人第二代欺騙感情，據知報道出街後，曾國祥怕自己花心男形象被唱通街，即時打電話畀A.Lin「兇」佢叫收聲。上週六（29日），A.Lin出席澳門金沙酒店活動，其間雖大晒32C事業線，不過被追問被藝人二代騙情一事，A.Lin即封嘴。本週一（31日），記者再致電A.Lin直問她被曾國祥騙情一事，她說：「總之係邊個我唔會答你，我亦唔想再提呢件事。（你同朋友講話覺得自己好dirty？）我同朋友講嘅嘢唔需要同你哋交代！總之我冇嘢再講！多謝關心！」至本週一（31日）晚，本刊終於聯絡到呃女王曾國祥，佢直認經casting認識A.Lin之外，對騙情一事極力否認：「我連佢（A.Lin）電話都冇喎（咁你係咪仲有個拍咗拖多年嘅女友？）私人嘢唔答。」然後火速掛線。
上週兇前度:你唔好講嗰個藝人二代係我呀，你收口喇！(真實對白)
姊妹齊撐
30 歲曾國祥入行多年，初時以幕前演出為主，雖然老豆係曾志偉，不過曾國祥都從低做起，除咗做過唔少電影大茄、亦跟過陳可辛由場記做到副導演，入行近10年，由陳奕迅同謝安琪主演嘅《戀人絮語》為曾國祥第一部執導電影。雖然曾國祥今次被揭花心，但多年鮮有緋聞，只知佢一直有位拍拖多年女友，今次暗交2 o靚模，揭開呃女王真面目。
Haliey︰最憎賤男！我哋班姊妹實支持A.Lin！
Chrissie︰我實撐佢，亦希望佢明白感情路上一定會遇到挫折o架喇！
3月blog暗爆分手
A.Lin被曾國祥欺騙後大受打擊，就連睇Eason演唱會都感同身受，引用〈無人之境〉歌詞抒發自己。
8模愛瘟仔
除咗A.Lin俾曾國祥呃外，其他8模都表面話冇男友，實則私底下男仔緣極佳，其中以Hailey最掂，有得同Edison一齊上遊艇出海！
5月
Evelyn（蔡穎恩）與Mr.鼓手Tom（杜志烜）拍拖一年半，二人多次被拍到一齊同入一唐樓，同居關係曝光。
09年7月
DaDa拍攝《盛裝舞步愛作戰》期間同同劇演員、香港先生羅天宇撐枱腳。
09年9月
Hailey陳俞希曾被拍得同Edison同船出海，不過船上除咗佢之外仲有何超儀及一班朋友，拖友機會係零。
藝人二代愛追女
除曾國祥，圈中不少名人二代演藝成績麻麻，但溝女就耍家！最叻係謝霆鋒喺大陸hit爆，先溝掂王菲後娶埋張栢芝，最近仲榮升第2任老豆，而最多女就係洪金寶仔洪天明同龍之子房祖名。
最叻名人二代，霆鋒無論事業、愛情都係最好，最近仲生埋第2個仔Quintus。《壹週刊》圖片
李家鼎子李泳豪係無綫大茄，不過同港姐冠軍楊思琦就感情穩定。
房祖名同薛凱琪散咗後，冇耐就拍得喺台灣同大胸鬼妹行書店。
不過講最威戰績係千億新抱徐子淇（左）都俾洪天明嗒咗先，另有o靚模Lilian，現任女友就係前港姐周家蔚。
Chrissie、新舊8模$500埋身玩
上週六（30日）Chrissie同新舊8模為寫真造勢，o靚模水着一向係龍友honey，除咗引得一班龍友過大海爭住影，仲有唔少賭客畀多$500做VIP近距離接觸女神，造勢已經咁好反應，寫真集推出一定更勁，除咗Chrissie玩歐陸feel外，A.Lin、DaDa就玩les、Annie G.、Hailey就玩終極SM，宅男、龍友儲錢喇！
Chrissie 3D蜜月
寫真集未出街前又話全裸、滴蠟，不過最後滴蠟就冇嘞！但姿勢好大膽，更會涉及洞房體位，但強調係靚嘅性感，唔係意淫。
Chrissie：「今次玩第一身感覺，打開本寫真就好似同我度蜜月。」今次仲會推出3D video寫真，分DVD同Blu-ray，令第一身感覺更真實。
Chrissie寫真售價大約$138，寫真集叫《Les Vacanccs d'Amour》，意思係甜蜜假期，video寫真有DVD同Blu-ray版，分別賣$140、$260，送立體眼鏡。
A.Lin、DaDa會組合成「Sugar Beez」$108
DaDa：「我哋本寫真集叫《Kiss Enough》，喺日本淺草取景，玩校園姊妹feel，帶有少少lesbian感覺，今個星期五仲有首新歌派台叫〈Kiss Enough〉。」
今次活動除咗娛記，現場亦有不少客人可以落水玩近距離接觸，DaDa更被客人抱起，金沙娛樂表示：「$250就可以入嚟影相，$500仲可以落水一齊玩！」抵喎！《蘋果日報》圖片
Annie G.、Hailey終極SM
Annie G.同Hailey以「Monster Beez」組合出寫真集《Lone mor Les》賣$108
Hailey：「我哋有信心挑戰師姐Chrissie，今次喺日本新宿夜場取景，有啲好激SM造型！仲有神秘女嘉賓玩crossover，大家等睇啦！」
當晚被師姐Chrissie同舊8模搶晒鏡，新8模中以Suki同Hidy最受龍友歡迎，反而受整容、生過兩個仔影響的Mia，龍友對佢反應就好冷淡。6月中新8模寫真集《8模美女館》就會推出，售價$98，大家多多支持喇！
識晒︰Suki黃雪瑩
「翻版Stephy」Suki喺新8模中事業線最強，亦成為龍友新寵。
有橋︰Betrys江怡:Betrys上水時突然腳趾抽筋，要工作人員即時上台為佢按摩，之後仲喊到收唔到聲！真係痛到咁咩？
冷板︰Mia陳靜儀:新8模中以Mia新聞最強，但論搶鏡度就一般，可能因為晨早俾人知生咗兩件，幻想少咗囉！
