世界盃即將開鑼，近日忙於練拳的李治廷昨日與李克勤和官恩娜等人，到黃大仙出席商台世盃活動。克勤稍後會在商台節目《在晴朗的一天出發》中講波，他昨日說：「第一次全個世界盃過程都幫電台主持，今年咁多o靚模，我呢啲唔見樣比較好啲。一到6月就全部都係波贏晒，但係嗰種波我屋企人應該唔批准我評述。」
今年克勤無緣效力無綫，之前傳有線以千萬酬勞誘他講波也沒成事，克勤說：「其實就好似見工唔成咁樣，過程唔需要太着眼，可以擺埋一邊，家都各有陣容囉，做得好最緊要。」
官恩娜則表示雖會欣賞世盃賽事，但她並非狂熱球迷，提到世盃決賽周被戲稱為「寡婦月」，她說：「我都未結婚，唔怕，有私人空間仲好，其實對情侶嚟講都係一個幾好嘅經驗，睇吓過唔過到呢關，今次係我同男朋友認識之後第一個世界盃，不過佢應該唔會冷落我。」
from:
http://hk.apple.nextmedia ... art_id=14107290
