o靚模陳靜（DaDa）和李莉琳（Liz），昨日出席apm舉行的「Hi-Tech」全城瞓身睇世界盃活動。早前驗出乳腺增生、出現粒粒的DaDa，問到檢驗報告如何時，她說：「未有時間睇，我都唔擔心，邊度會有事。其實胸部大少少有粒粒都好正常。」
不以水着作賣點對於「浸大E神」楊梓瑤（Carol）與鍾蕙芝（Lavina）的寫真集胎死腹中，DaDa說：「我真係唔知喎。（覺唔覺可惜？）可惜啩。我哋唔係水着賣點，同佢哋市場唔同。不過我都好性感，會穿大褸，唔扣鈕『中門大開』o架！」DaDa又透露很欣賞周秀娜的立體寫真夠噱頭。
同場的Liz則坦言Carol和Lavina的寫真集胎死腹中是好事，她說：「少咗個攤位，會多啲人留意我哋個位。（少咗對手？）嘩，點比呀，佢哋身材咁勁！（你都有喎！）有，大同細問題o者。冇得鬥，一睇就知鬥唔過佢哋！」
