Angelababy（楊穎）與黃曉明戀情逐漸浮面，日前兩人合作拍攝MV後，又被撞破在北京拍拖睇戲，更有指Baby進駐「黃宮」。斷正的Baby昨日在公開活動上依然死撐與黃曉明是朋友關係，從未與「海綿蛋糕」單獨約會，她說：「大家都單身，以後嘅事答唔到。」她更預告有戀情也不公開。
女模Angelababy與「海綿蛋糕」黃曉明的戀情，早前刻意扮低調，近日逐漸浮面，繼日前情侶檔合作拍攝MV，上周更於北京拍拖看《鐵甲奇俠2》（Iron Man 2），更有指Baby入住黃曉明的北京寓所，進駐「黃宮」等。
Baby昨日在銅鑼灣時代廣場出席adidas活動，與香港足球代表隊球星陳肇麒和李威廉等玩遊戲宣傳世界盃。對於與黃曉明在北京拍拖睇戲斷正，Baby有備而來說：「自己都有睇報道，睇場戲冇乜大不了，我哋有幾個朋友一齊，從來冇同佢單獨約會過，亦都冇上過佢屋企，我有工作人員住喺佢附近，求其影個門口就話過夜。」
對於早前拍攝黃曉明新歌《受不了》MV，會否效法師姐熊黛林與城城般拍MV撻着，Baby說：「佢哋有撻着咩？個MV好fashion，公司有期咪去拍，入面唔係太親熱。」她與黃曉明同是上海人，會否同聲同氣，她說：「好多人都係上海人，我同爹哋都好同聲同氣，總之係朋友關係。」
問到大家單身有否發展機會時，Baby說：「唔知，大家都係單身，不過唔知以後事，答唔到你。」Baby又否認工作忙會阻礙發展，她說：「冇呀，唔知點睇，如果拍拖，有冇時間都唔關事，呢一刻大家都會以工作為主。」問到她會否怕輿論壓力，她說：「唔會將輿論放喺心度，會做番自己，男朋友條件會保密，就算拍拖都唔會公開，保持低調。」
from:
http://hk.apple.nextmedia ... art_id=14071937
