趙碩之昨日在銅鑼灣為美容公司宣傳，她穿上桃紅色低胸裝，在貨車上播放其拍攝的美胸纖體廣告，吸引大班攝影發燒友來拍照。趙碩之表示早已做好防走光措施，但很怕所戴的nude bra會露出，她說：「我怕條裙鬆會跌呀，想除咗個nude bra，驚走出嚟，但工作人員阻止咗。」結果她左邊腋下還是露出膠紙。
趙碩之又謂不太擔心走光，她說：「我載滿晒件衫嘛，我有做到個減肥美胸療程，瘦咗之後上圍又keep到喎。」問她上圍大是否很麻煩？她說：「會有，好多朋友提我小心駝背。」趙碩之又謂考慮為胸部買保險，她說：「我係好易整傷自己嘅人，不過我都唔袒胸，冇乜機會整親，未整傷過係咪會平啲？」談到周秀娜與Jessica C.將合拍電影，問趙碩之可羨慕？她說：「唔同劇本要唔同人演出，好似話角色要拋胸，都好驚好尷尬，但都期待佢哋嘅效果。」
from:
http://hk.apple.nextmedia ... art_id=14040754
