原本寂寂無聞的日本模特兒椋名凜，08年底獲王友良力邀來港發展，並憑34E惹火上圍而漸為人認識。不過，有傳椋名凜近日與經理人王友良合作不愉快及因錢銀轇轕而結束賓主關係，轉投鄒世龍旗下的Starz People。昨日王友良否認與椋名凜不和，聲稱雙方是在和平氣氛下結束合作關係。
現年26歲、有「日版Paris Hilton」之稱的椋名凜，08年在王友良引薦下來港發展，加盟王友良公司旗下，星途發展尚算順利，月前王友良並計劃為椋名凜推出唱片，讓她作多線發展。
不過，正當王友良準備為椋名凜推出大碟之際，卻突然有消息傳出雙方中止合作關係。有指王友良與椋名凜合作得極不愉快，再加上出現錢銀轇轕，因而導致賓主關係決裂。
記者昨日致電身在日本的王友良求證，他承認與椋名凜結束賓主關係，但就強調雙方沒有鬧不和。王友良說：「佢其實係約滿我哋公司之後冇再續約。大家想清楚之後發覺大家方向唔同，既然唔夾，咁就不如分開，冇其他原因。大家識咗好多年，佢轉咗新公司，都有問我一唔一齊再合作。我都祝福佢加盟新公司之後發展順利。我驚大家諗多咗，總之我哋係喺和平氣氛下結束合作關係。」
至於椋名凜新公司Starz People發言人張小姐昨日在電話中說：「Rin（椋名凜）早前同我哋傾，因為佢有見同舊公司約滿，佢好想同一間香港有份量嘅模特兒公司合作，希望可以幫到佢事業發展，所以我哋一拍即合。」張小姐表示已跟椋名凜溝通，她不介意繼續行性感路線，她說：「我哋幫藝人接job一定會經雙方同意，絕唔會勉強佢哋。」
from:
http://hk.apple.nextmedia ... art_id=13996605
