焦媛和尹子維昨日到上環文娛中心為舞台劇《金鎖記》宣傳，憑此劇獲提名劇協最佳女主角的焦媛，更首次引入即時手語傳譯，讓聾啞人士也能欣賞舞台劇，昨日焦媛就和尹子維即場演出其中一段戲，兩旁則有手語傳譯員負責繙譯。
焦媛說：「其實係因為舊年我接觸過一班聾啞人士覺得忽略咗佢哋，希望大家都可以關注同支持吓佢哋。」
問到對第五次獲提名最佳女主角可有信心時，她說：「信心都有嘅，之前淨係攞過女配角，主角就未試過。」問到如得獎可會考慮跟高志森結婚時，她笑說：「結婚係兩個人嘅事，咁大件事又唔可以太匆忙，都要媽咪應承o架，家都冇人提出，點應承呢？」她續說：「家都係專注舞台事業先啦，同埋睇人哋有冇表示囉，可能會轉軚都唔定o架。」
from:
http://hk.apple.nextmedia ... art_id=13953681
