Grace,how wonderful you are.
【明報專訊】真係女人一出，名嘴都要行埋一邊！前兩日電台搞咗個九龍西選舉論壇，全場最惹火嗰兩個，一個係「白姐姐」白韻琴，另一個就係「奇女子」林依麗。兩個女人唇槍舌劍，當然唔係為幾時應該普選 拗大交，而係為咗一個男人──黃毓民 。
節目一開波，林依麗即時追問白姐姐，「你只係識教人離婚，你憑咩要踢走黃毓民？我都唔知點叫你好，叫你白婆婆？我都係林師奶！」就係呢句白婆婆，嚇到白姐姐即時窒一窒，思路都斬斷埋，結結巴巴駁一句：「你咁樣係年齡歧視，你可以唔鍾意我，但我就唔鍾意毓民擲蕉、潑水！」
指謝偉俊 非民選無資格投票
不過鬧完白姐姐，林依麗就狙擊佢男友謝偉俊，話阿Paul都喺功能組別議員，唔係民選，唔應該有資格係立法會 投票。白姐姐就話倡議搞個「婦女」同「師奶」功能組別，平衡一下。
兩個女人拳來腳往，搞到一向出口成文嘅毓民，都只係嗌咗兩句口號，全程蹺埋雙手坐山觀雌鬥！
如果您喜歡這篇文章，請按「讚」或分享給您的朋友，以示鼓勵。
