方力申急做老竇積極搵目標
方力申昨日聯同周中出席「尋找百福婆婆」的發布會，因參選條件要外婆或嫲嫲級，小方謂：「如果我媽咪知道有百萬元獎金，佢實要我快啲生個BB出嚟，等佢可以『升呢』做嫲嫲參加。」母親可有催促要抱孫？小方坦言：「都有o架，佢好開通話唔結都可以生咗先！」
小方又稱羨慕霆鋒後生做老竇，現要努力搵另一半。未搵到咩？小方笑謂：「未呀，搵到先朝住呢個目標進發。」談到傳周潤發以2.6億購貝沙灣獨立屋，小方稱早年他與母親亦買了貝沙灣用來收租。是否傳聞中租給緋聞女友鄧麗欣？小方笑道：「報道係話我贊助間屋畀佢，唔係租畀佢。」
